IN BÀNCA (n. 78)

Iusfén al và int la Bànca par fèr un depósit.

"Il signore desidera?" ai d'mànda l'impieghé e ló: "A v'révv métter zà di sóld".

L'impieghè al capéss l'antìfona e al tàca a c'càrrer ànca ló in bulgnàis: "Ai ò capé: bisàggna avrìr un cànt".

"Sé mó, ch's a s'ciàpa ed frùt?"

"Secànd, mó normalmànt l'é al trì par zànt".

"Cómm al trì par zànt? Piràtt al m'à détt che ló al ciàpa al zénq par zànt!"

"Ecco v'dìv, secànd al tìp ed depósit ch'a fàn: s'a fàn un depósit normèl, l'é al trì par zànt, mó s'a vinculàn l'é al zénqv!"

Iusfén ai pànsa un pó e pò ai dìs: "E s'a v'inculéss mó mé?"