L’ASPIRADÀUR (n. 100)

Un'arzdàura la sént sunèr a l'óss, la và a'vrìr e ai é un rapresentànt ch'al vànd di aspiradùr:

- "Sgnàura, quàsst qué l'é un aspiradàur spezièl ch'al puléss i tapìd e al smunéss ànch i lavandén. Sànza impàggn, s'la vól, a fàn una próva".
- "A si capitè al mumànt gióst: ai ò al bidè muné".

Al rapresentànt al tira fóra tótt l'armamentèri e al métt in moto tótta la fazànda. L'aparàcc' al tàca a tirèr, a tirèr con una gatèra ch'al parèva un areoplàn e à la fén "flòp" al sacàtt als rimpéss. I vàn a'vrìr e dànter ai éra un umarén tótt nùd:

- "Bàn, e ló chi él?"
- "Mé a sàn l'inquilén ed sàtta e ai éra int al mi césso ch'a caghèva!"