lunedì 22 settembre 2008

AAAAAAGH !! (n. 173)

Un cazadàur bulgnàis ch'l'éra stè a càzia in Àfrica, al cuntèva ai amìgh una brótta aventùra:

"Ai éra da par mé int la forèsta e a sént móver el fóii, a prepèr al fuséll e infàti ai sèlta fóra un leàn, ch'am vén adós. A spàr, mó al fuséll al fà cilàcca. A tìr fóra la rivutèla, mó ànch quàlla la s'éra immuiè e la fé cilàcca. Alàura, d'sprè, a ciàp al mì curtèl, dezìs al tótt p'r'al tótt, quànd al leàn al fà un gràn sèlt e un gràn vérs AAAAAAGH!...e am sàn caghè adós…..".

"An fàgh brìsa fadìga a cràddri!", al dìs ón di amìgh e ló: "Nà, cus'èt capé? Am sàn caghè adós adès int al fèr AAAAAAGH!"

Nessun commento: