LA ZÓNTA COMUNÈL (n. 200)

Un umàz al và da l'urólogh e ai dìs:

"Dutàur, am fà mèl ai marón!".

"Mó insàmma" al fà al dutàur "Él quàsst al mód ed c'càrrer davànti à l'infarmìra? St'ètra vólta ch'al vén l'à da dìr: dutàur, ai ò di probléma con i Consiglieri, él capé?" E a gli fà la vìsita.

Dàpp soquànt dé al tàurna:

"Oh, buongiorno" a gli dìs al dutàur "Cùmm vèni i Consiglieri?"

E ló: "I Consiglieri i vàn bàn, mó adès ai ò di probléma col Séndich!".