martedì 23 dicembre 2008

RIME IN PILLOLE (pagina 45)

Probabilmente una cantilena per i compleanni (quando si usava tirare gli orecchi) :

-Pimpunèta, Pimpitóca,
dùvv’él andè ch’al pundghén ch’l’éra là dànter ?
-Al l’à magnè al gàt
-In dùvv’él andè al gàt?
-Int al fàuren
-In duvv’él andè al fàuren?
-Él chèver i l’àn sbuzè
-Indùvv’éni andè él chèver?
-Int al bósch?
-In dùvv’él andè al bósch?
-La manèra al l’à taiè
-In dùvv’éla andè la manèra?
-Al fùgh a l’à brusè
-In dùvv’él andè al fùgh?
-L’àqua al l’à smurzè
-In dùvv’éla andè l’àqua?
-A l’à b’vó al bà
-Indùvv’él andè al bà?
-A sumnèr al pànigh
-In dùvv’él andè al pànigh?
-Al pàser al l’à magnè
-In dùvv’él andè al pàser?
-Strà’l nóvvel e’l s’ràggn
mai pió a se v’dràn.
-Mé a sàn Bèrba Falzàn,
a pós dìr la mì rasàn,
mé a sàn Bèrba Zarfóii,
a pós fèr quàll ch’a vóii,
mé a sàn Bèrba Zarvèl,
a pós tirèr égli uràcc’ fén ch’am pèr!



Nella favola del lupo, la madre dice alla figlia per tranquillizzarla (invano!):

Tès, tès fióla mì
ch’l’é la vàca di Martì
ch’la dà la tàtta ai sù vidì
-
Paolo Canè

Nessun commento: