martedì 6 gennaio 2009

AL MÈZ AMÌGH (n. 235)

Du cazadùr is cànten egli aventùr ed càzia. Ón al dìs:

"Ch'sa farésset té st'incuntréss al giaguàro?"
"Mé? a ciàp al mi fuséll".
"Sé, domàni: al giaguaro at saltarévv adós int un secànd!"
"Alàura a tirarévv fóra la rivultèla".
"Mó gnànch pr'insónni: al giaguaro al sarévv dimóndi pió svélt!"
"A saltarévv invàtta à la gìp".
"Sé, fràssca: in st'mànter che té t'vè vérs la gìp, al giaguaro al sarévv bèle dànter a stèret d'asptèr!"
"Di' bàn só, té it al mì amìgh o it l'amìgh dal giaguàro?"

Nessun commento: