AL FURNÈR INCAZÈ (n. 282)

Int la butàiga d'un furnèr un cìnno al métt la tèsta dànter e al d'mànda: "Furnèr, avìv dal pàn d'aìir?".

Par tótta arspósta al furnèr al ciàpa al prémm quèl ch'ai vén in màn e ai al fécca drì!

Una cliànta la sèlta só: "Mó che mód el ed tratèr un póver ragazól?"

"Un póver ragazól?" al dìs ló "Quàll lé l'é una caràggna: l'èter dé al m'à fàt la stàssa d'mànda e mé ai ò détt ed sé!"

"Alàura?"

"Alàura ló al m'à détt: pistulàn, ai n'avèvi da fèr ed mànch!".